Жазаларды аткаруу мамлекеттик кызматынын жетекчиси болуп Алик Мамыркулов дайындалды

Жазаларды аткаруу мамлекеттик кызматынын жетекчиси болуп Алик Мамыркулов дайындалды. Аны аталган мекеменин жамааты менен вице-премьер-министр Абдырахман Маматалиев тааныштырды. Бул тууралуу 1-июнда өкмөттүн маалымат кызматы билдирди. Маматалиев жаңы жетекчи мекеменин алдына өкмөт тарабынан коюлган тапшырмаларды жеткиликтүү аткарарына жетиштүү тажрыйбасы бар экенин айтты.

Мамыркулов буга чейин өкмөттүк аппараттын өзгөчө кырдаалдар жана коргонуу боюнча бөлүмүн жетектеп турган.

Автор: Жамалидин Парманкулов