Бишкектин Биринчи Май райондук акимчилиги 600 балага майрамдык маанай тартуулады

Бүгүн, 1-Июнь - Балдарды коргоонун эл аралык күнүн белгилөө менен Бишкектин Биринчи Май райондук акимчилиги 600 балага майрамдык маанай тартуулады. Бул тууралуу мэриясынын басма сөз кызматынан билдиришти.

Маалым болгондой, салтанаттуу иш-чара Т.Абдумомунов атындагы Кыргыз драма театрында өткөрүлүп, ага аз камсыз болгон үй-бүлөлөрдүн балдары чакырылган. Майрам ээлерине концерттик программа көрсөтүлүп, район башчысынын атынан окуу куралдары жана таттуу белектер берилди. Балдар күнүнө арналган иш-чарага район бюджетинен жалпысынан 400 миң сомдон ашык каражат сарпталган.

Автор: Наргиза Бекжанова
Фото: Мэриянын басма сөз кызматы