Капиталдык курулуш башкармалыгы жол белгилерин түшүрүү иштерин түнкүсүн жүргүзүүдө

Капиталдык курулуш башкармалыгы жол белгилерин түшүрүү иштерин 1-июндан тартып түнкүсүн жүргүзүүдө. Бул тууралуу 9-июнда Бишкек мэриясынын маалымат бөлүмүнөн билдиришти.

Маалым болгондой, калаа жолдоруна жол белгилерин түшүрүү боюнча ишти Максат Жоошбеков жетектөөдө. Ал түшүрүлгөн жол белгилеринин сапаттуулугун айтып, график боюнча иштер жүргүзүлүп жаткандыгын белгиледи. "Иштин жүрүшүндө катталган бардык кемчиликтер четтетилет. Жол белгилери үчүн бардык стандарттарга жооп берген, Орусия өндүргөн АК-511 үлгүсүндөгү боёк колдонулат”,- деди Жоошбеков. Анын билдиришинче, быйыл жол белгилери эки ирет жаңыланат.

Автор: Жамалидин Парманкулов