Курмантай Абдиевдин депутаттык мандаты токтотулду

Борбордук шайлоо комиссиясы Жогорку Кеңештин депутаты Курмантай Абдиевдин депутаттык мандатын токтотту. Бул тууралуу бүгүн, 9-июнда БШКнын маалымат бөлүмүнөн билдиришти. Маалым болгондой, жакынкы 30 күн ичинде бул мандат тизме боюнча кийинки орунда турган талапкерге тапшырылат.

Айта кетсек, Жогорку Кеңештин 21-майдагы жыйынында Жогорку Соттун Конституциялык палатасынын судьялыгына К.Абдиевди жактырган. Ал эми анын ордуна Жогорку Кеңешке депутат болуп тизмеде 54-орунда турган Эмилбек Ысманов келүүсү керек. Бирок анын ордуна тизмеде 62-болуп турган Алмасбек Абытовдун келери айтылууда.

Автор: Нургазы Аматов