Ички иштер министрлигинин алдындагы Жол-кайгуул кызматынын автоунаасы делген BMW Х6 cоциалдык түйүндөрдө кызуу талкууланууда. Интернетке бул кымбат баалуу унаанын сүрөтүн жайгаштырган активист
Тимур Саралаев "кедей мамлекеттин МАИчилеринин кымбат унаалары" деген пикирди жазды.
Ырысбек аттуу интернет колдонуучу бул автоунаа Германиядан уурдалып келингенин билдирди.
"Бул BMW Германиядан уурдалып келген. Машинанын ээси табылбай калган. VIN коду жана кыймылдаткычынын номуру өзгөртүлгөндүктөн, ээсин табуу мүмкүн эмес. Соттун чечими менен ИИМге өткөрүлүп берилген",- деп жазды ал. Ортодо талкууга кошулгандар "Мындай унааны айдабай сатып жиберип, акчасына милицияга керектүү 3-4 унаа сатып алса эмнеге болбосун?.." деген пикирин айтышты.
Бул автоунаа Бишкектин базарларында 28 миңден 90 миң долларга чейин бааланат.