Наталья Никитенко: “Ата-энеси бар туруп балдар үйүнө берилген балдардын саны өсүүдө”

Бишкекте бүгүн, 2-июлда “Балдар жөнүндө” кодекске үй-бүлө чөйрөсүндө баланын укугун камсыздоо боюнча мамлекеттик саясатты ылайык келтирүүдөгү жетишкендиктер жана көйгөйлөр” аттуу тегерек стол өттү.

Жогорку Кеңештин депутаты Наталья Никитенко ата-энелери болсо дагы балдар үйлөрү менен интернаттарга барган балдардын саны көбөйгөнүн белгиледи. “Булар ата-энелери эмгек мигранттары болгон, жакындары менен алыс туугандарынын камкордугуна аргасыздан калтырылып, балдар үйлөрүнө келген социалдык жетимдер. Балдарга карата зордук-зомбулук фактыларынын саны дагы арбып барат. Андыктан интернат мекемелерин оптималдаштыруунун бирдей механизмин иштеп чыгуу зарыл”,- дейт депутат.

Иш-чарада өкмөттүн “2013-2018-жылдарга карата Кыргыз Республикасындагы интернат тибиндеги балдар мекемелерин башкарууну жана каржылоону оптималдаштыруу тууралуу” токтомунун ишке ашырылышы талкууланды. Жыйынтыгында катышуучулар тиешелүү резолюция кабыл алышты.

Автор: Автандил Добулбеков