Жогорку Кеңештин депутаттары бюджеттен дагы 60 миллион сомдон ашуун каражат үнөмдөөгө ниет кылып жатышат

2015-жылы Жогорку Кеңеш 26 миллион сомго жакын бюджеттик каражатты үнөмдөдү. 2016-жылы VI чакырылыштагы Жогорку Кеңештин депутаттарынын ишмердүүлүгүндөгү бир катар кепилдиктерден баш тартуусу жана депутаттык фонд түзүүсү менен бюджеттен дагы 60 миллион сомдон ашуун каражаттын үнөмдөлүшү күтүлүп жатканын Жогорку Кеңештин маалымат кызматы билдирди. Бул суммага эмгек акы, Социалдык фондго төлөмдөр, иш сапар жана унаа чыгымдары кирет.

Автор: Жамалидин Парманкулов