Өлкөнүн Малайзиядагы элчилиги уюштурган дил баян сынагында уткан окуучулар Малайзияга сапар тартышты

Өмүрүндө биринчи жолу чет өлкөгө чыгып жаткан окуучуларды узатып келгендер көп болду.

Малайзиядагы мекендештерибизге өнөр тартуулай турган чыгармачыл топ.

Дил баян сынагында жеңип чыккан 9 окуучу. Өлкөнүн бардык бурчунан келген бул окуучулар 1 аптадан кийин дос болуп кайтып келишет.

Кыргыз Республикасынын Малайзиядагы элчилиги өлкөбүздөгү алдынкы ЖМКлар менен биргеликте уюштурган сынактын жеңүүчүлөрү, маданият өкүлдөрү жана журналисттер бүгүн, 14-январда Малайзияга сапар тартышты. Алар Куала-Лумпур шаарына Ташкент шаары аркылуу барышмакчы.

Жоон топ 4 маданият өкүлүнөн, сынакта жеңип чыккан 9 окуучудан жана сынакты уюштурууда өнөктөш болгон 9 жалпыга маалымдоо каражаттарынын өкүлдөрүнөн турат. Ырчылар Айыма Айылчиева, Омар, күлкү жаратуучулар Санжар Мыкыев жана Азамат Исмаилов коштогон топ 21-январга чейин аталган өлкөдө болушат. Анда Малайзиянын мектептеринин бирине баруу, ЖМКнын өкүлдөрү жана аталган өлкөдөгү кыргыз жарандары менен жолугушуу пландалган. Мекендештер менен жолугушууда өнөр ээлери аларга ыр-күлкү сунушмакчы.

Кошумчалай кетсек, сынактын катышуучулары "Кыргыз жеримдин гүлдөп-өсүшүн каалайм" деген темада дил баян жазып, уюштуруучуларга жөнөтүшкөн. Жеңиш ээлери 7 облус жана Ош, Бишкек шаарлары боюнча аныкталган. Малайзияга жолдомону Абдыжапар уулу Медербек (Ош облусу), Жумадил Муңайтпасов (Ысык-Көл облусу), Айжамал Марипова (Бишкек шаары), Уланбек уулу Элназар (Нарын облусу), Мээрим Рахманова (Ош шаары), Мари Раимбекова (Чүй облусу), Адилет Сайдилаев (Баткен облусу), Нурэл Абасканов (Талас облусу), Зыягүл Искендерова (Жалал-Абад облусу) аттуу окуучулар жеңип алышкан. Алардын дил баяндарын бул жерден окусаңыз болот...

* Талас облусу боюнча жеңүүчү аталган Нурэл Абасканов Малайзиядагы экзотикалык жаныбарларды көргөнгө ашыгып жатканын айтты. "Мен дил баянда кыргыз жери менен Малайзиянын окшоштуктарына токтолгом. Биз сыяктуу эле алар дагы 31-августта Эгемендүүлүк күнүн белгилешет. Бул өлкө тууралуу маалыматым бар, көргөнгө кызыгып жатам",- деди 6-класстын окуучусу.

Малайзияга сапар алдында Санжар Мыкыев буларга токтолду: "Окуучулардан жана чыгармачыл инсандардан турган мыкты топ баратабыз. Уюштуруучу топко ыраазычылык билдирем. Жакшы эс алуу күтүп турат деп ишенем". Ал эми сөзүн "дил баян жазып өтүп кеттим" деген тамаша менен баштаган Азамат Исмаилов буга чейин Малайзияга барганга мүмкүнчүлүк түзүлгөнүн, бирок үй-бүлөлүк шарттарга байланыштуу бара албай калганын айтты. "Элчилик өлкөнүн келечеги болгон жаш муунду Малайзияга алып баратканы кубандырат",- деди ал.

19:29 14-01-2016

Дил баян сынагында уткан окуучулар Малайзияга жөнөп кетишти

Автор: Максат Кудайбердиев
Фото: Максат Кудайбердиев

Жазылуу

РУБРИКАДАГЫ СОҢКУ КАБАРЛАР

19:39 2024-05-04 | Коом жана турмуш

Чүйдө жол жээгиндеги башаламан соода-сатыктар иретке келтирилүүдө 399 0

18:09 2024-05-04 | Коом жана турмуш

ИИМдин кызматкерлери Чолпон-Атада өткөн эл аралык марафонго катышты 274 0

17:48 2024-05-04 | Коом жана турмуш

Сузак окуясы боюнча милиция жетекчилери кызматтан алынды 1296 0

17:25 2024-05-04 | Коом жана турмуш

Самат Эркинбеков: "Аялды муштум менен эмес, акыл менен деле башкарса болот" 581 0

15:55 2024-05-04 | Коом жана турмуш

Өлкөдө канча соода борбору бар экени белгилүү болду 1013 0

15:15 2024-05-04 | Коом жана турмуш

Мамлекет башчы Сузактагы окуядан жабыркаган балдардан кабар алды 1131 0

Архив

Комментарийлер (24)

STAN_KG

2016-01-14 21:11:36

Азаматтар, дагы дагы ийгилик жарата бергиле!

AIZAD

2016-01-14 21:16:11

Баардык мамлекеттеги элчилерибиз ушундай ак ниет болуп , дил баян сыяктуу конкурс уюштуруп турса гана? Уюштуруучуга терен ыраазычылык, ден соолук, омур!

aku

2016-01-14 21:21:28

Аман эсен барып аман эсен келишсин. 6 кун эс алышат экен да.

Oylonkyrgyzym

2016-01-14 21:33:05

Баарынын жуздору жанып туратко жожолор десе...

Омурунор берекелуу болсун, ыймандуу болуп чонойгула...

MuslimNur95

2016-01-14 22:11:12

Молодец Кылычбек Султанов жылда ушул Иш чараларды уйуштурган колунан келсе бул мырза кыргызсанды да гулдоткусу келетго , ийгилик дайым алдыга

Bermet_Kasymova

2016-01-14 22:15:31

Молодцы))! Жакшы эс алып келгиле. Ийгилик)))

Decmond

2016-01-14 22:45:01

Жакшы эс алып келгилееееее!!!!!!!

Nusii

2016-01-14 23:51:07

Менда баргым келип жатат!

sneg88

2016-01-14 23:51:29

алтышкалар аман-эсен барып келгиле

Nusii

2016-01-14 23:51:33

Жакшы барып келгиле! Конулдуу откоргуло

mashirapova

2016-01-15 00:07:57

жакшы эс алып келгиле алтындарым ийгилик

dr_kg

2016-01-15 04:51:23

Ак жол! Кыргызстанды жакшылап таанытып келгиле!

aijan280389

2016-01-15 05:22:08

Ак жол.

ramik_87

2016-01-15 09:59:29

Ак жол!

alisherchik

2016-01-15 10:08:30

Омар менен Айыма жарашат окшойт бирбирине...

Комментарий калтыруу үчүн өз ысымыңыз менен кириңиз же каттоодон өтүңүз.