Токтогул районундагы балдар иштери боюнча комиссия ымыркайын дааратканага таштаган эненин иши тууралуу чечим чыгарды. Бала ооруканадан энеси менен бирге чыгарылмай болду. Балага Марс деген ысым берилди. Бул тууралуу 3-февралда Эмгек жана социалдык өнүгүү министрлигинин басма сөз кызматы билдирди.
Атабек кызы Айпери баласы Атабек уулу Марс менен Токтогул райондук социалдык өнүгүү башкармалыгынын кызматкерлеринин көзөмөлүндө болуп, кызматкерлер күн сайын кабар алып турушат. Маалыматка караганда, Айпери 2014-жылы турмушка чыккан. Анын бир жарым жаштагы кызы бар.