Жалпы инвестициялык климат боюнча “Өкмөттүк саат” өткөрүү демилгеленди

Жогорку Кеңештин 18-февралдагы жыйынында депутаттар жалпы инвестициялык климат боюнча “Өкмөттүк саат” өткөрүүнү демилгелешти.

Депутат Мирлан Бакировдун айтымында, өлкөдөгү жалпы инвестициялык климатка арналган иш-чара өткөрүү зарылдыгы бар. Ал жумушчу орун, соода-сатык, өндүрүш, дегеле экономикалык көрсөткүчтөр боюнча 25-февралда “Өкмөттүк саат” белгилөөнү сунуш кылды. "Анда Евразиялык экономикалык бирликке кирүү менен эмнеге жетиштик жана дагы эмнелерге жетишебиз деген маселелер боюнча жооп алабыз",- деди депутат.

Мындан тышкары М.Бакиров түрк насыясы менен 30дай мектеп курулуп баштап, аягына чыкпай турганын айтып, аткаруу бийлигинен конкреттүү маалымат берүүнү талап кылды.

Автор: Нургазы Аматов