Айтмамат Кадырбаев президентке Ош шаарынын социалдык-экономикалык өнүгүшүнүн динамикасы жана комплекстүү инфраструктуралык долбоорлор боюнча маалымат берди

Президент Алмазбек Атамбаев бүгүн, 20-февралда Ош шаарынын мэри Айтмамат Кадырбаевди кабыл алды. Бул тууралуу президенттик аппараттан кабарлашты.

Жолугушууда мамлекет башчы Ош шаарынын социалдык-экономикалык өнүгүшүнүн динамикасы жана комплекстүү инфраструктуралык долбоорлордун, анын ичинде автоунаа жолдорун жана көпүрөлөрдү куруунун жүрүшү тууралуу маалымат алды.

Айтмамат Кадырбаев жылуулук берүүчү сезондун ийгиликтүү өтүп жатканы жөнүндө да баяндап берди. Ош шаарынын мэри быйыл аяктаганы турган түштүк борборду таза суу менен камсыз кылуу системин модернизациялоо боюнча жасалып жаткан иштерге токтолду.

Президент Алмазбек Атамбаев кийинки жылдары шаар тургундары үчүн ыңгайлуу турмуш шарттарын түзүүгө багытталган Ош шаарын инфраструктуралык өнүктүрүүнүн бир катар негизги маселелери чечилгенин белгиледи.

Мамлекет башчысы түштүк борборду мындан ары өнүктүрүү боюнча долбоорлорду өз убагында жана сапаттуу ишке ашырууга байланыштуу Ош шаарынын мэрине бир катар тапшырмаларды берди.

Автор: Жамалидин Парманкулов