ИИМдин өкүлү Анкарада эмгектенип жана окуп жүргөн кыргыздар менен жолугушту

Кечээ, 21-февралда Кыргыз Республикасынын "Достук жана маданият" коомунун Анкара өкүлчүлүгүнүн кеңсесинде Кыргыз Республикасынын Ички иштер министрлигинин 10-Башкы башкармалыгынын жетекчисинин орун басары Раим Салимов жана Кыргыз Республикасынын Түркиядагы элчилигинин өкүлдөрүнүн катышуусунда Анкарада эмгектенип жана окуп жүргөн мекендештерибиз менен жолугушуу өттү. Бул тууралуу SUPER.KG порталына аталган коомдун башкы катчысы Адилет Абишов билдирди.

"Жолугушууда учурдагы дүйнөдө жана Кыргыз Республикасындагы терроризмге каршы болуп жаткан иш-чаралар туурасында мекендештерге маалымат берилди. Ошондой эле Салимов Сирияга жихадга жөнөп жаткандардын көпчүлүк бөлүгү Түркия аркылуу кетип жатканын белгилеп, андай туура эмес иштерден алыс болууга чакырып өттү. Согушка кетип жаткандар интернет аркылуу ар кандай
видеочакырыктарга азгырылып жатканын баса белгиледи. Анкарада жүргөн бардык мекендештерге андай иштерге азгырылбастан, туура жолдо жүрүү керектигин эске салып, бардык күмөн саналган учурда ИИМдин 10-Башкы башкармалыгы жана элчилик менен байланышка чыгуусун айтып өттү. Жолугушуунун аягында мекендештердин ар кандай суроолоруна жооп берилип, диаспоранын жасап жаткан иштери менен таанышып чыгышты",- дейт Абишов.

Ички иштер министрлигинин 10-Башкы башкармалыгынын жетекчисинин орун басары мындан ары диаспора менен тыгыз байланышта болуу ниети бар экенин кошумчалаган.

09:42 22-02-2016

Автор: Үмүт Абдраимова
Фото: Адилет Абишов

Жазылуу

РУБРИКАДАГЫ СОҢКУ КАБАРЛАР

21:21 2024-05-09 | Саясат

Садыр Жапаровдун Орусияга болгон иш сапары аяктап, Кыргызстанга кайтып келди 736 0

20:03 2024-05-09 | Коом жана турмуш

Ошто мектеп бүтүрүүчүлөрүнө унаа башкарууга тыюу салынат 450 0

19:08 2024-05-09 | Коом жана турмуш

Ошто Улуу Жеңиштин 79 жылдыгы салтанаттуу белгиленди 369 0

18:35 2024-05-09 | Коом жана турмуш

Башкы прокурор кыргызстандыктарды Улуу Жеңиш күнү менен куттуктады (видео) 336 0

18:02 2024-05-09 | Саясат

Эдил Байсалов Нарын облусундагы согуштун ардагерлеринен кабар алды 417 0

17:22 2024-05-09 | Коом жана турмуш

Бишкекте башаламан соода кылгандарга карата рейд уланууда 641 0

Архив

Комментарийлер (2)

Zalkarbek.Kg

2016-02-22 10:41:03

Ушу турецкий ЖОЖдордун билим денгээли сабатсызго дейм айтканым себеби дегиле ушу СЕБАТТА окуп андан сон Турцияга барып окууну аяктап келгендердин бирисин да корбодум норм жумушта иштеп жаткандарын

ASELENOK

2016-02-22 20:36:03

Zalkarbek.Kg,Себеби, алар Кыргызстанга кайтып келе элек да. Бизде жалаң акча менен жумушка орношуп жатса, алар кантип норм жумушка орношот. Алар кайра чет жакка эле качышат. Себатта, андан соң Түркия, жб. окугандардын көбү Европа менен Америкада иштеп жүрүшөт азыр. А биз отурабыз алар норм жумушка деле орношо алышкан жок деп :)

Комментарий калтыруу үчүн өз ысымыңыз менен кириңиз же каттоодон өтүңүз.