Майлуу-Суу жана Балыкчы шаарларынын мэрлери шайланды

Кечээ, 25-майда Ош, Жалал-Абад, Ысык-Көл, Чүй облустарында жана Ош шаарында жергиликтүү кеңешке шайлоо болуп өттү. Бул тууралуу Борбордук шайлоо комиссиясынын маалымат кызматы билдирди.

Ош облусунун Өзгөн районунун Кызыл-Октябрь айыл өкмөтүнүн башчысы болуп Эржигит Пасанов шайланды. Ал үчүн биринчи турда 9, экинчи турда 12 депутат добуш берген.
Жалал-Абад облусундагы Майлуу-Суу шаарынын мэри болуп "Республика-Ата Журт" партиясынан сунушталган Нурадил Маматов шайланды. Ал биринчи турда 31 добуш алган.
Ысык-Көл облусундагы Балыкчы шаарындагы депутаттардын көпчүлүгү Алмаз Мамбетовго добуш беришти. Ал эми Токмок шаарында депутаттар кворумунун жоктугунан шайлоо өткөн жок.
Эске салсак, Ош шаарынын мэри болуп Айтмамат Кадырбаев шайланган.