Нурбек Сыдыгалиев өзгөчө кырдаалдар министринин орун басары кызматынан бошотулду. Бул тууралуу өкмөттүн басма сөз кызматы бүгүн, 26-октябрда билдирди. Тиешелүү буйрукка 25-октябрь күнү өкмөт башчы Сооронбай Жээнбеков кол койгон. Сыдыгалиев өз каалоосу менен кызматтан кетүү тууралуу арыз жазганы айтылат маалыматта.
Айта кетсек, Нурбек Сыдыгалиев бул кызматка 2015-жылдын 23-декабрында мурдагы өкмөт башчы Темир Сариевдин буйругу менен дайындалган.