Аида Салянова: "Референдумдун демилгечилери бир да сурообузга жооп беришкен жок"

"Конституцияны өзгөртүү боюнча референдумдун демилгечилерине биз канчалаган суроолорубузду бердик, бирок бир да суроого жооп ала алган жокпуз", - деди бүгүн, 2-ноябрда Жогорку Кеңештин жыйынында депутат Аида Салянова.

"Демилгечилердин бири Иса Өмүркулов "процедуралар боюнча эле айтып жатасыңар" деп бизге айтып жатат. "Парламентаризмди күчөтүш, президентти алсыздандырыш керек" дегенибиз процедуралык маселеби? Бизди карап туруп жалган айткандан уялбайсыңарбы? Эртең жарандар референдумга барганда кабардар болуш керек да. Эгер суроолорго жооп бербесеңер, эл кантип кабардар болот?" - деп кайрылды демилгечилерге Салянова.

Автор: Нургазы Аматов