"Эйр Манас" авиакомпаниясы "Манас" аэропортунан "Жуковский" аэропортуна алгачкы каттамын аткарат
2016-жылдын 20-декабрында "Эйр Манас" авиакомпаниясы "Манас" аэропортунан "Жуковский" аэропортуна алгачкы каттамын аткарат.
"Жуковский" аэропорту же анын башка аталышы "Раменское" аэропорту Жуковский шаарынын аймагында жайгашкан, "42 км" темир жол платформасынан түштүк-батышты көздөй 3 чакырым, Москва шаарынын борборунан (жалпы колдонулуучу жол) 36 чакырым алыстыкта. Европада эң узун учуруучу-кондуруучу тилкесине (5,5 чакырым) ээ болгон Жуковскийдеги эл аралык аэропорт Орусия Федерациясынын эксперименталдык, мамлекеттик жана жарандык авиациясынын биримдиктүү авиациялык борбору катары иштейт. 2016-жылдын аягына чейин аэропорт 350-400 миң жүргүнчүнү тейлээри пландалса, кийинки жылы 2 миллиондой жүргүнчү күтүлүүдө.
"Эйр Манас" авиакомпаниясы Кыргыз Республикасынын Транспорт министрлиги тарабынан өткөрүлгөн сынактын жыйынтыгы менен Жуковский-Бишкек ("Манас") каттамы боюнча Кыргыз Республикасынын дайындалган ташуучусу болду. "Эйр Манас" Бишкектен "Жуковский" аэропортуна жумасына 7 жолу аткарылчу регулярдуу каттамдарга коммерциялык укуктарга ээ болду.
"Биздин авиакомпания Жуковскийге каттамдарды кубануу менен баштайт. Себеби бул компаниянын учуу географиясын кеңейтүү жана жүргүнчүлөрдү Кыргыз өлкөсүнөн да, Орусия Федерациясынан жагымдуу тарифтер менен камсыздоо, ошондой эле биздин башка Ош, Дели, Үрүмчү жана Кашкар багыттарына учуу мүмкүнчүлүктөрүнүн стратегиясына туура келет", - дейт "Эйр Манас" авиакомпаниясынын директору Юсуф Сердар Эрман.
Бишкектен учуу Бишкек убактысы боюнча саат 19:30да, Жуковскийдин аэропортуна саат 21:10до (Москва убактысы боюнча) конуу пландаштырылган. "Эйр Манас" авиакомпаниясы февралга чейин жумасына 2 каттам, февралда 3 каттам аткарууну, кийин каттамдарды дагы көбөйтүүнү пландоодо. Билеттердин баасы Бишкек-Москва багыты боюнча 79,99 доллардан, Москва-Бишкек багыты боюнча 69,7 доллардан жогору болот, ал эми эки тараптуу каттам үчүн 149,69 доллардан жогору. Каттамдар 189 орундуу (экипажды эсепке албаганда) Boeing 737-800 NG учактары менен аткарылат. Бишкек-Москва-Бишкек каттамдары боюнча билеттерди "Эйр Манас" авиакомпаниясынын www.airmanas.com сайтынан алуу мүмкүн. Ыңгайлуулук үчүн Москвадан "Жуковский" аэропортуна жана кайра келүү электричкаларынын жүгүртмөлөрүн колдонуу сунушталат (Казань бекетинен платформага чейинки убакыт жана маршрут), ал үчүн кийинки шилтеме менен өтүңүз: http://airport-zhukovskiy.ru/train.html.
***
"Эйр Манас" компаниясы тууралуу маалымат:
"Эйр Манас" ЖЧКсы - дайыма өнүгүп жаткан жергиликтүү авиакомпания, анын стратегиялык өнөктөшү Түркиянын авторитеттүү "Пегасус Эйрлайнс" авиакомпаниясы. Жергиликтүү авиаташуучу Бишкек-Стамбул каттамы боюнча маршрутун 2013-жылы баштаган. Бүгүнкү күндө каттамдардын географиясын жергиликтүү Ош шаарына болгон каттамдардан тышкары Орусия Федерациясына, Индияга жана Кытайга чейин кеңейип, ошону менен бирге Москва, Үрүмчү жана Делиге регулярдуу түрдө каттамдар аткарылып турат. Компания жүргүнчүлөр үчүн жеткиликтүү тарифтерде (Low Cost - төмөн тарифтер форматы), учууларда техникалык коопсуздукка өзгөчө көңүл буруу жана жарандык авиациянын секторуна жогорку стандарттарды киргизүү менен иштейт. Учуу - ар бир жарандын укугу!
Nazikbaigazy,арзан сатылган жок билет. Синдим жуковсден уча турган самалетко билет алды. Эки тарапка 14300 го. Биякта эки тараптуу билет 149.69 деп турат. Бааларды Ким козомолдойт. Же билет саткандар кымбат сатып атышабы?
Тажиктер отказ кылды учпайбыз деп анан бизге отпогон аэропортун откоруп жатат эрте кеч пробка таксида кымбат
-1
ratbek
2016-12-12 15:39:50
Бул бир эле мисал эмес, Пегасус компаниясы ар дайым кеч калып учат. Мен озум эле торт жолу кайталангандан кийин бул авиакомпания менен эч качан учпайм. Пегасустан учкан кайсы таанышындан сураба бул компаниянын кызмат корсотуусуно абдан нааразы болушат. Албетте сабыр кылыш керек, бирок ар нерсенин чеги болот, сабыр кылыш керек деп эле учпаган самолетто кезерип отура берген болбойт да. Адамдар ар турдуу себептерге айланыштуу учат, кээси жакшылыкка, кээси жамандыкка барат, айрымдары жаш балдары бар
+1
ratbek
2016-12-12 15:42:50
Айрыкча жаш балдары менен учкан жургунчулор кармалып калса абдан кыйналат да. Оздорунун бул кемчиликтерин жойгондун ордуна, кайра Пегасус бардык рейстерди сатып алышат, кыйратып оз убагында аткарып жатышкансып. Буларды Кыргызстандан эбак эле кууп чыгыш керек болчу. 2014-жылы айрым депутат сооройлор бул компанияны лолунун кызындай мактап алып келишти эле, ой жакшы, билет арзан деп. Таш балакет жок. Кайра буларга карганда озубуздун авиакомпаниялар жоопкерчиликтуу.
0
Komrad
2016-12-12 18:42:46
Түрктөр кыйратпайт, отелдерин эле иштетип жүрө берсе болот. Албетте түркиядан көп нерсе чыгат, кийим кечек, курулуш материалы, чыкпаган буюм жок, кытайлар сымал. Бирок техникага байланышкан ишке мурдурларын тыкпай эле койсо болмок, мыкты менеджер болушат бирок менеджерлик кесип менен мыкты имараттар курулбайт да. Бир жолу учкам тамак бербейт, сатып алып жесең 1300 сом, арзандатылган белетин чыгарып алат экен.
0
KG.Kushtarbek
2016-12-13 10:40:18
жуковский бугун закрыть болдуго
0
kirgizstan
2016-12-13 10:56:42
KG.Kushtarbek, Жуковскийге коно турган самолет Домодедовога конду туну мына сага деп
+3
Комментарий калтыруу үчүн өз ысымыңыз менен кириңиз же каттоодон өтүңүз.
