"Эйр Манас" авиакомпаниясы арышын кең таштап, каттамдардын географиясын улам кеңейтип жатат. Эми Москвадан мекенине же мекенинен Москвага сапар алган Кыргыз мамлекетинин жарандары кезек күтүшпөйт. 20-декабрда "Эйр Манас" авиакомпаниясы "Манас" аэропортунан "Жуковский" аэропортуна алгачкы каттамын аткарды. Авиакомпания буга чейин Москва шаарына каттамдарын жалгыз гана "Домодедово" аэропорту аркылуу аткарып келген.
"Жуковский" быйыл май айында ишке кирген. Бүгүнкү күндө аэропорттон Орусиянын аймагына жана КМШ өлкөлөрүнө каттамдар аткарылат. Аэропорт Москва шаарынын борборунан (жалпы колдонулуучу жол) 36 чакырым алыстыкта. Жол издеп, такси карап убара болууга негиз жок. Аэропорт "шаттл-бас" кызматын ишке киргизген. Автобустун баасы 79 рубль.
Учурда 5 авиакомпания менен келишим бар. Алардын бири - "Эйр Манас". Бул авиакомпания менен макулдашууга жакын арада гана кол коюлуп, 20-декабрда алгачкы каттам аткарылды.
Каттам 2017-жылдын февраль айына чейин аптасына эки ирет аткарылат, бара-бара каттамдардын саны артат. Бардык каттамдарды 189 жүргүнчү батыра алган Boeing 737-800 NG учагы аткарат. Кыргыз жарандарын кубантчу жаңылык: билеттин баасы эки тарапка 149 доллардан (10 300 сом) башталат.
"Эйр Манас" авиакомпаниясы - аталган аэропорттон чет өлкөгө каттам аткарган алгачкы чет элдик компания. Аэропорттун жетекчилиги дал ушул авиакомпанияга "Жуковский" аэропортунан Кыргызстанга учуу үчүн эл аралык каттамга уруксат берген. "Рампорт аэро" ишканасынын башкы директору Томас Вайшвила (сүрөттө: оңдон экинчи) буга катар өлкөбүздүн жарандарынын учуусуна да ыңгайлуу шарттар түзүлгөнүн кошумчалады.
"Эйр Манас" бүгүнкү күндө Ош, Москва шаарларынан тышкары Индияга жана Кытайга да каттамга чыгат. Компания жүргүнчүлөр үчүн жеткиликтүү тарифтерде (Low Cost - төмөн тарифтер форматы), учууларда техникалык коопсуздукка өзгөчө көңүл буруу жана жарандык авиациянын секторуна жогорку стандарттарды киргизүү менен иштейт.
mambo-1984,саламатсызбы? Билеттин баасы эки тарапка 149 доллардан (10 300 сом) башталат
0
Uson13
2016-12-22 19:56:57
Жуковский аэропорту шаарга узак экен
+7
kirgizstan
2016-12-22 21:05:03
Шаарга узак. Метродон электричка электричкадан маршрут ал да жакын барбайт экен аэропортко
+7
almazbei
2016-12-22 22:17:27
Москвада авиабилет саткандардын номерин жазып койгулачы?
-1
Aikoo2014
2016-12-23 02:28:51
almazbei,
Бирге ру деген Москвадагы кыргыз сайтынан карап корун.
+1
Ilgiz2016
2016-12-23 11:18:57
Метро котельникиден афтобуз барат.
-3
Saribulak
2016-12-23 11:26:39
(Афтобуз) хе хе патике дегендей эле болду
+4
Aima94
2016-12-29 04:14:50
Saribulak,))))
0
meni_kut
2016-12-23 13:08:47
Болбойткен,ото алыс.
+2
Mirzohidjon
2016-12-23 21:01:15
Мирзохиджон айткандай согуштан суйлосон окоптон чыга калгандар аман эле болгула
0
Djal1987
2016-12-24 13:44:11
Mirzohidjon,сага ким соз берди? Сени эч ким жактырбаганына капасынбы?
+1
ainura220888
2016-12-23 22:00:20
Олло алыс экен жолго туура эмес аэроэкспресста барбайт ал жака. Жада калса крнын авиакомпаниясы жарытбайт. Кой жуктогондой каалаган жерине отуруп ал дейт. Балан менен учсан кыйналып куйругунда калдандап кетесин. Озубуздун домодедовадан эле аэроэкспресс бар россиянын авикомпаниялары менен татына болуп эле учабыз. Чоооон рахмат.
+2
Aima94
2016-12-29 04:17:22
ainura220888,билеттери кымбат го. Алыс болсо не кереги бар учуп? Домодедово менен эле учкан жакшы анда)))Конгон Домодедово аман уйубузго жетсек болду)))
0
gugu2727
2016-12-24 13:50:12
Россияга барбаган адамдар түшүнбөйле аралашабербегиле
+3
Комментарий калтыруу үчүн өз ысымыңыз менен кириңиз же каттоодон өтүңүз.
