Маданият жана искусство университетинин бүтүрүүчүлөрүнөн топтолгон каражатка Б.Бейшеналиеванын эстелиги тургузулду

Мамашарип Чотонов. Кыргыз Мамлекеттик маданият жана искусство университетинин ректору

СССРдин эл артисти, Кыргыздын тунгуч балеринасы Бүбүсара Бейшеналиеванын эстелиги ачылды. Эстелик анын атын алып жүргөн Кыргыз мамлекеттик маданият жана искусство университетинин алдында тургузулуп, бүгүн, 19-октябрда ачылыш аземи өттү.

Салтанаттуу иш-чарага окуу жайдын эмгек жамааты, маданият кызматкерлери, Маданият маалымат жана туризм министри Түгөлбөй Казаков катышты.

Эстеликтин ачылышы окуу жайдын 50 жылдык мааракесинин алкагында уюштурулуп жаткан бир нече иш-чаранын бири экенин окуу жайдын ректору Мамашарип Чотонов билдирди.

"Эстеликти окуу жайыбыздын алдына орнотуу идеясы эмгек жааматына өткөн жылы Бүбүсара Бейшеналиеванын 90 жылдык мааракесин белгилеп жаткан учурда келген. Мындан 2 жыл мурун биздин окуу жайдын бүтүрүүчүлөрүнүн ассоциациясы түзүлгөн. Атайын марафон өткөрүп, бир аз акча каражат чогултканбыз, эстеликти тургузууга ошол каражат жумшалды", - дейт ректор.

Эстеликтин автору, Кыргыз эл сүрөтчүсү, профессор Сардарбек Ажиев да бул ишке өз салымын кошуп, топтолгон 300 миң сомго аны жасоого макул болгон. Эстеликти жасоого 5 ай убакыт кеткен.

Жыл сайын улуу балеринанын туулган күнүндө окуу жайдын студенттери жана мугалимдери чоң программадагы концерттерди берип, спектаклдерди коюп, кыска метраждуу кинотасмаларды тартып жаткандыктарын Мамашарип Чотонов кошумчалады.

16:21 19-10-2017

Автор: Айзада Тураркулова
Фото: Айзада Тураркулова

Жазылуу

РУБРИКАДАГЫ СОҢКУ КАБАРЛАР

09:54 2024-04-26 | Маданият, шоу-бизнес

Азербайжанда Кыргызстандын “Улуттун кѳѳнѳргүс дѳѳлѳттѳрү” аттуу көргөзмөсү ачылды 21 0

09:38 2024-04-26 | Коом жана турмуш

"Амантай, Эртай, Эсентай". Ошто милициянын майору үч эм уулдуу болду 199 0

09:31 2024-04-26 | Коом жана турмуш

26-апрелге карата валюталар курсу 145 0

09:20 2024-04-26 | Саясат

Кыргызстан менен Малайзиянын кызматташтыгы тууралуу маселелер талкууланды 100 0

09:14 2024-04-26 | Саясат

Илхам Алиев Садыр Жапаровго карабах жылкысын белек кылды 327 0

09:03 2024-04-26 | Коом жана турмуш

Орусиянын Оренбург облусуна "Жардам кебенин" жеткирген куткаруучулар сыйланды 282 0

Архив

Комментарийлер (7)

Nurmat92

2017-10-19 16:42:56

Тфуй ёлки кымбат жасап коюптур. Ошончо жасагандан кийин чоңураак эле кылса болмок. Анан да чачы түшүп аткандай көрүнүп калат экен, ошол жерин жакшылап жасаса жакшы болот эле. Билбейм кимдин ою кандай бирок мага канаатандырган жок. Эстелик кичинекей жана кымбатка жасалгандай туюлуп атат же акчанын жарымын кекиртеке тыгып ийген

ajarkina

2017-10-19 16:45:13

Бийлеп жаткан элесин тушурсо болмок экен,укмуш чыгат эле

kushtari

2017-10-19 17:03:45

Ушул эстелик кургандын ордуна башка важный нерселерди бутурсо болмок

grace

2017-10-19 17:25:20

kushtari,Маданиятты барктабасак элдин аң-сезими төмөндөйт. Жаман менен жакшыны ажырата албаган маңкурт болуп калат.

gitaris93

2017-10-19 17:20:34

Буткон ишке сынчы коп

Bolunbo.kyrgyz

2017-10-19 19:00:46

Буткон ишке сынчы коп ушундан коро 100 метр жоо адам басканга жол ондошпойбу эстеликте не кылат

ainur78007

2017-10-20 08:05:52

Сулуулугун жеткире жасай албаптыр чынында(((

Комментарий калтыруу үчүн өз ысымыңыз менен кириңиз же каттоодон өтүңүз.