Түркияда Чыңгыз Айтматовдун 90 жылдыгына карата маданий иш-чара өткөрүлөт

Кыргыздын Түркиядагы элчиси Ибрагим Жунусов Түркиянын маданият жана туризм министринин орун басары Хусейин Яйман менен жолугушту. Тышкы иштер министрлигинен маалымдалгандай, жолугушуу кечээ, 22-ноябрда өтүп эки тараптын маданий жана туризм жаатындагы кызматташуусун бекемдөө жана мындан ары да жакшыртуу тууралуу сүйлөшүүлөр жүрдү.

Мындан тышкары Хусейин Яйман менен Ибрагим Жунусов Кыргыз маданиятына тиешелүү болгон бир катар иш-чараларды Түркияда өткөрүүнү талкуулашты. Анын ичинде жазуучу Чыңгыз Айтматовдун 90 жылдыгын белгилөө жана Кыргыз маданият жумалыгын өткөрүү белгиленди.