Биргеликте дүйнөнү тазарталы! 15-сентябрда өлкөбүздөгү коомдук жайларды таштандыдан тазалоо боюнча акция өтөт

Дүйнөлүк тазалык күнүнө карата 15-сентябрда Кыргыз жериндеги коомдук пайдалануудагы жерлер, жаратылыш парктары, көлмөлөр, токойлорду таштандылардан тазалоо боюнча акция өтөт. Бардык облустардан миңдеген жарандар ишембиликке чыгышат жана айлана-чөйрөнү сактоого өз салымын кошушат.

"Дүйнөнү тазарталы!" деген ураан менен миңдеген Кыргыз жарандары өлкөнү таштандылардан тазалайт. Акция дүйнөдөгү 150 өлкөдө ишке ашырылат. Кыргыз жериндеги иш-чаранын расмий өнөктөшү катары "Эко Деми" Коомдук фонду чыгууда. Кампанияны Кыргыз Республикасынын президентинин аппараты, өкмөтүнүн аппараты, коомдук уюмдар жана бизнес өкүлдөрү колдоого алышты. Акциянын катышуучулары жана өнөктөштөрү төмөнкү уюмдар: Enactus, ФРМИ, "Роза Отунбаеванын демилгеси" эл аралык коомдук фонду, ошондой эле Prego Club, Talisman Village, Club hotel Dostuk, "Шарбон" АК, St. art Ltd, Beeline, Papa Johns, Horeca Club.

"Дүйнөлүк тазалык күнү" акциясы өлкөдөгү жана дүйнөдөгү экологиялык абалга көңүлдү бурат. Айлана-чөйрөнүн булгануусуна байланыштуу көйгөй миллиондогон адамдардын өмүрүн алууда жана демилгечилер жарандарды акцияга гана кошулбастан, ошондой эле коомдук жерлерде тазалыкты дайыма сактоо жөнүндө ойлонууга, ресурстарды жөндүү пайдаланууга жана таштандыларды туура иштетүүгө чакырат.

"Биз, тазалоочу адамдар, бул кызматтарды пайдалануучу адамдар деп бөлүнгөндү токтотуп, өз көз карашыбызды өзгөртүшүбүз керек, анткени биз бардыгыбыз бир өлкөдө, бир планетада жашайбыз жана ар бирибиз ал үчүн жооптуубуз. Биз бирге таза өлкөдө жашоо үчүн өз салымыбызды кошолу. Бул ар бирибиздин колубузда", - деди акциянын демилгечиси жана "Эко Деми" Коомдук фондунун төрайымы Айжан Чыныбаева.

Демилгечилер бардык жарандарды Чүй, Ош, Нарын, Ысык-Көл, Талас, Баткен жана Жалал-Абад облустарында 15-сентябрда өтүүчү ишембиликке катышууга чакырат.

Иш-чараларга катышуу үчүн социалдык медиадагы топторго кошулсаңыздар болот (@PFecodemi) жана Whatsapp`тагы топторго (№3 тиркемедеги), ошондой эле акциянын координаторлору менен байланышсаңыз болот: Дмитрий Андреев +996 (555) 906 556, Данияр +996 (553) 5 32526 Чыңгыз +996 (500) 01 50 50.

Урматтуу кыргыз эли!

Сиздерди "Дүйнөлүк тазалык күнү" глобалдык экологиялык жарандык акциянын алкагындагы ишембиликти уюштурууга катышууга чакырабыз. Эгерде сиз активисттердин тобуна кошулууну чечсеңиз, төмөнкү көрсөтмөнү караңыз:

1. Кайсы жерди тазалоо керектигин аныктаңыз. Балким, ал сиз жашаган аймактагы мыйзамсыз жана табигый таштандылар топтолгон жер (короо, көчө, район, айыл, шаар) болот. Мүмкүн болсо, мамлекеттин коргоосунда турган жерлерди аныктагыла. Мисалы, парктык зоналар, гүл бакчалар, токойлор, көлмөлөр, өзөндүн куйган жерлери, каналдар.

2. Ишембилик башталганга чейин тазалана турган жердин абалын сүрөткө же видеого тартып, сиздин региондун Whatsapp тобуна жибериңиз.

3. Өз ыктыярчылар тобуңузду үй-бүлөңүздүн, туугандарыңыздын, досторуңуздун, кесиптештериңиздин катарынан түзүңүз. Тобуңуздун тизмесин түзүңүз жана сиздин аймактын лидерине тиешелүү аймактын Whatsapp тобуна жибериңиз. Сиздин аймактын лидери топто "Администратор" статусуна ээ.

4. Өз акцияңызга жергиликтүү бийлик органдарын тартыңыз (шаардык мэриялар, айыл өкмөтү, айылдык кеңештер). Алардын ресурстук колдоосуна ээ болуңуз.

5. Акцияны чагылдыруу үчүн жергиликтүү маалымат каражаттарын чакырыңыз.

6. Жергиликтүү ишкерлерди да тартыңыз. Алар сиздерди ресурстар: суу, каптар, кол каптар менен камсыз кыла алышат. Коопсуздукту сактоо максатында милдеттүү түрдө коопсуздук буюмдарын колдонгула.

7. Акция болгон күнү, 2018-жылдын 15-сентябрында өнөктөштөрүңөр менен эртең менен түшкө чейин 2 саатка чыккыла. Акциянын алдында сөзсүз коопсуздук техникасы боюнча көрсөтмө бергиле. Катышуучулардын ортосундагы ролдорду так аныктагыла.

8. Акциянын жыйынтыгы боюнча тазаланган жерди кайра сүрөткө тарткыла жана тиешелүү топко жибергиле.

9. Расмий хэштегдерди колдонуу менен акциядан сүрөттөрдү/видеолорду социалдык тармактарга жайгаштыргыла: #WCD2018 #worldcleanupday #ecodemi #экодеми #tazayssykkul #tazaosh #tazabatken #tazajalalabad #tazabishkek #tazachui #tazatalas #tazanaryn #tazanaryn.

Биздин биргелешкен иш-аракетибиз бизди таза өлкөгө алып келет деп үмүт кылабыз. Эгерде сизде суроолор пайда болсо, жогоруда көрсөтүлгөн whatsapp топтордо жооп берүүгө даярбыз.