Кыргызстанда көмүскө түрүндө кичи насыя берүү иши гүлдөп жатканы чынбы? Эксперимент

Кыргызстанда көмүскө насыя берүү иши күчөп, альтернативанын жоктугунан улам эл карыз акчаны жеке адамдардан алууга мажбур болууда. Муну менен алар өздөрүн чоң тобокелге салып жатышат.

Социалдык тармактарда эксперимент катары тартылган видео ролик тарап жатат. Анда аял киши интернет аркылуу тапкан бир адамдан кичи насыя алат. Ал киши аялдын колуна 10 миң сом берип, 20 күндүн ичинде ар күнү 600 сомдон берип кутулуусун талап кылат. Күрөө катары паспортун алып калат.

"Биз муну менен үй-бүлөбүздү багып жатабыз. Акчаны өз убагында бергенге аракет кылыңыз. Болбосо башкача сүйлөшкөнгө туура келет", - деп эскертет ал.