Ысык-Көлгө чөгүп кеткен 4 жашар кызды издөө иштери уланууда

Ысык-Көлгө чөгүп кеткен 4 жаштагы кызды издөө иштери уланууда. Бул тууралуу Өзгөчө кырдаалдар министрлигинин басма сөз кызматынан кабарлашты.

"Учурда издөө иштерин улантууга ӨКМнын Ысык-Көл облусу боюнча башкармалыгынан бир офицер, Балыкчы шаарынын №19 өрткө каршы бөлүктөн 7 куткаруучу, Каракол шаардык №15 ӨКБдан 6 куткаруучу, Кризистик кырдаалдарды башкаруу борборунан 3, Ысык-Көл райондук ӨКБдан 6 куткаруучу, кошумча министрликке караштуу Суучулдар кызматынан 7 суучул, жалпы 30 куткаруучу тартылып издөө иштери уланууда.

Кошумча маалымат берилет", - деп жазылган маалыматта.

Белгилей кетсек, 18-июль күнү Ысык-Көлдөгү Тору-Айгыр менен Чырпыкты айылдарынын ортосунда 2018-жылы туулган Н.А. аттуу кыз көлгө чөгүп кеткен.

Изделип жаткан 4 жаштагы кыздын атасына байланышканыбызда, издөө иштерине дрон жана ыктыярчылар тобу тез арада керек болуп жаткандыгын билдирген.

Издөө иштерине жардам берүүнү каалагандар кыздын атасына байланышса болот: Сабыр - 0705-60-37-04, 0555-99-56-26.

Автор: Айзада Кыдырмышева