Ырчы, актриса Сайра Момунбаева 58 жашка толду. Актрисанын жараткан образдарынан сүрөт баян

Бүгүн, 26-августта ырчы жана актриса Сайра Момунбаева 58 жашка толду.

Сайра Момунбаева 1964-жылы Тогуз-Торо районунун Казарман айылында төрөлгөн. Мектепти аяктагандан кийин Муратаалы Күрөңкеев атындагы музыкалык окуу жайдын вокал бөлүмүнө тапшырып, окуусун аяктаган соң Нарын музыкалык драма театрында иштеп калган. Кийин Ташкенттеги Островский атындагы Театралдык институтта сырттан окуп, Бүбүсара Бейшеналиева атындагы Искусство институтунун актёрлук бөлүмүн бүтүргөн.

Сайра Момунбаева "Боз салкын", "Сүйүү, демек, азап тартуу", "Табылга", "Сагынбай манасчы" жана башка бир катар тасмаларга тартылган.

Боз салкын тасмасында кайнененин ролун аткарган.

"Сагымбай манасчы" тасмасына тартылуу учурунан алынган кадрлар.

Актриса көпчүлүккө маалым болгондой бир топ жылдан бери кол өнөрчүлүк менен алектенип келет. Учурда өзүнүн мода үйү бар. Ал кыргыздын улуттук кийимдерин замандын талабына жараша тигип, бир катар өлкөлөргө фестивалдарга катышып, ийгилик жаратып келүүдө.

26-августтун жылнаамасы.