Түркияда бөйрөгүн алмаштыруу операциясын жасаткан актёр Нуржаасын Жумагулов бүгүн,2-сентябрда мекенибизге аман-эсен кайтып келди. Актёрду "Манас" эл аралык аэропортунан жакындары, достору тосуп алышты.
Белгилей кетсек, 28-июнда Кыргыз драма театрында актёрго колдоо көрсөткөн кайрымдуулук концерти өткөн. Актёрго апасы же бөлөсү донор болору белгилүү болгон.
17-июлда бөйрөгүн алмаштыруу үчүн Түркия өлкөсүнө учуп кеткен. Операция 21-июлда жасалган. Ал эми 1-августта ооруканадан чыгып, бир ай бою дарыгерлердин көзөмөлүндө болору белгилүү болгон.