Акылбек Жапаров Бишкектеги №76 орто мектепти ачуу салтанатына катышты

Министрлер кабинетинин төрагасы Акылбек Жапаров Бишкек шаарындагы №76 орто мектепти ачуу салтанатына катышты. Бул жөнүндө мекемеден билдиришти.

Белгилүү болгондой, орто мектептин ачылыш аземине Бишкек шаарынын мэри Эмилбек Абдыкадыров жана билим берүү жана илим министри Алмазбек Бейшеналиев да катышты.

Жапаровдун айтымында, республика боюнча авариялык абалда турган 245 мектептин экөө борбордо жайгашкан.

"Быйыл мугалимдердин айлыгы эки эсеге, ал эми бийик тоолуу райондордогу мугалимдердин айлыгы үч эсеге көбөйтүлдү. Биз мындан ары да сиздердин ишиңиздерге ыңгайлуу шарттарды түзүп беребиз. Кечээ салтанаттуу түрдө №75 мектеп-лицейин ачкан болсок, бүгүн имараты 90 жыл мурун курулган №76 мектепке кезек келди. Бул окуучулар жана мугалимдер үчүн гана эмес, биз үчүн да чоң кубаныч. Алдыга умтулуп, керектүү билим алгыла, учурда жаңы чакырыктар орун алууда. Ар бириңердин билимге болгон умтулууңардан жана өжөрлүгүңөрдөн жалпы өлкөнүн келечеги көз каранды", - деген Жапаров.

Маалымат үчүн: 2018-жылы №76 мектеп пайдаланууга жараксыз деп табылып, буга байланыштуу билим берүү мекемеси капиталдык оңдоп-түзөөдөн гана эмес, конструкциялык бекемдөөдөн да өткөрүлгөн. Реконструкциялангандан кийин мектеп 360 окуучуга ылайыкталган. Имараттын аянты 2341 чарчы метрди түзөт. Имаратта 17 окуу бөлмөсү жана аянты 126,6 чарчы метр саналган спорт залы бар.

Мектептин бир блогунун жертөлөсү бар. Мектепте ашкана, кампа, спорт зал, кийим алмаштыруучу бөлмө, техникалык бөлмө, санитардык түйүндөр жана лаборатория каралган.

РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан