Ош облусунун Ноокат районундагы кафеде 7 жаштагы баланы урган шектүү кармалды. Маалыматты облустук милициядан кабарлашты.
Белгилүү болгондой, шектүү 30 жаштагы О. уулу А. убактылуу кармоочу жайга киргизилди. Ага карата Кылмыш-Жаза Кодексинин 280-беренеси (бейбаштык) менен кылмыш иши козголду.
Кечээ, 27-январда интернетте Ноокаттын аймагында жаш баланы белгисиз жаран уруп жаткан видео жарыяланган. Ош ОИИБи окуя боюнча териштирүү жүрүп жатканын маалымдаган болчу.
Жабырлануучу балага карата соттук-медициналык экспертиза дайындалган. Учурда тергөө иштери жүргүзүлүүдө.