Мессинин айынан Аргентинанын оюну жокко чыкты

Аргентина менен Нигериянын Кытайдагы жолдоштук беттеши Лионель Мессиге байланыштуу өтпөйт. Бул тууралуу чет элдик спорт басылмалары жазышты.

Ошентип Кытай бийлиги Аргентина курама командасынын лидерин "Гонконгдун жылдыздары" - "Интер Майами" беттешинде оюн талаасына чыкпаганы үчүн өч алуу чечимине келген.

Пекин футбол ассоциациясы мындай деп билдирди: "Кытай Лионель Месси катыша турган беттештерди өткөрүүнү пландаган эмес. Март айында Ханчжоуда өтүшү керек болгон Аргентина - Нигерия жолдоштук беттеши да белгилүү себептерден улам болбойт".

Март айында Аргентина Кытайды кыдырмак. Тагыраагы, Ханчжоуда Аргентина Нигерия менен беттешмек жана Пекинде Кот-д’Ивуар менен жолугушмак.

Февраль айынын башында Кытайда өткөн "Интер Майами" - "Гонконгдун жылдыздары" бетешинде Месси талаага чыкпай койгон. Буга күйөрмандар ачууланып, бийлик футболчудан түшүндүрмө талап кылган.