"Ош базардын" жанынан 2 жигит милиция кызматкерине таш ыргытышты (видео)

Бишкекте милиция кызматкерлерин таш менен уруп, бейбаштык кылган шектүүлөр кармалды. Бул тууралуу бүгүн, 14-февралда Ленин РИИБинин басма сөз кызматы билдирди.

Билдиргендей, 3-февралда болжол менен саат 16:45 чамасында милиция кызматкери Павлов менен Рыскулов көчөлөрүнүн кесилишинде коомдук тартипти одоно бузуп, спирт ичимдиктерин ичип жаткан 3 адамга эскертүү берген. Берилген эскертүүгө карабастан алардын экөөсү милиция кызматкерине таш ыргытышкан.

Бул факты боюнча Кылмыш-жаза кодексинин 280-беренесине (Бейбаштык) ылайык кылмыш иши козголгон.

Шектүү катары 1995-жылы туулган Т.Р. жана 1998-жылы туулган Ы.Б. аттуу жарандар кармалып, убактылуу кармоочу жайга киргизилген.