"Ассакалов дагы күйөрмандык кылып". Акжол Махмудов Түркиядагы эл аралык мелдеште жеңилип калды

Белгилүү кыргыз балбаны Акжол Махмудов Түркиянын Анталия шаарында өтүп жаткан "Яшар Догу" эл аралык турниринде экинич атаандашына жеңилип калды.

Мелдешке 77 килограмм салмакта катышкан Акжол Махмудов алгачкы жүрүшүн 1/16 финалда баштаган. Анда ал түркиялык Сельчук Аккоюн аттуу балбанды 5:1 эсебинде жеңип, 1/8 финалда дагы бир түркиялык Юксел Сарычечек аттуу балбанга 1:5 эсебинде жеңилип калды.

Акжол Махмудов күрөшүп жаткан маалда залда кыргыз балбанына белгилүү өзбекстандык балбан, 3 жолку Азия чемпиону Рустам Ассакалов ордунан туруп алып күйөрмандык кылып турду.