Кадамжайда мыйзамсыз курал алып жүргөн шектүү кармалды

Кадамжайда мыйзамсыз ок атуучу курал алып жүргөнгө шектелип район тургуну кармалды. Бул тууралуу Баткен ОИИБинин басма сөз кызматы билдирди.

Маалыматка караганда, Бүргөндү айылдык милиция бөлүмчөсүнүн кызматкери 10-мартка караган түнү Ак-Турпак айыл аймагынын Торговый базарында коомдук тартипти көзөмөлдөп жүрүп, шектүү катары ВАЗ-2106 үлгүсүндөгү унааны текшерген.

Текшерүү учурунда Ак-Турпак айыл аймагынын 32 жаштагы тургуну М.Д. унаанын алдыңкы орундугунда К-16 үлгүсүндөгү ок атуучу куралды эч кандай документи жок, мыйзамсыз алып жүргөндүгү белгилүү болгон.

Учурда ок атуучу курал алынып, тергөө иштери жүрүп жатат.