"3:0 эсебиндеги жеңилүү". Бишкектин "Алга" футболдук клубуна 50 миң сом айып пул салынды

Бишкектин "Алга" футболдук клубуна оюндун эрежесин бузганы үчүн жеңилүү ызасы менен чогуу 50 миң сом айып пул салынды. Бул тууралуу Кыргыз Премьер Лигасы кабарлады.

Кыргыз футбол бирлигинин Тартип комитети 2024-жылдын 1-апрелиндеги "Илбирс" клубунун нааразычылык катын оюндун протоколун караган.

Текшерүүнүн жыйынтыгында "Алга" клубу эреже бузганы аныкталган.

КФБ дисциплинардык кодексине ылайык, беттештин жыйынтыгы жокко чыгарылып, 0:3 эсебинде "Алга" футболдук клубу утулуп, 50 миң сом айып пул салуу чечими кабыл алынды.

Тартип комиссиясынын чечими апелляциялык комиссияга кайрылууга мүмкүн.