Кыргыз футзалчылары Азия Кубогуна катышуу үчүн Бангкокко барды

Кыргызстандын футзал боюнча улуттук курамасы Таиланддын Бангкок шаарына келип жетти.

Бул жакта курама 16-апрелге чейин Азия Кубогуна акыркы даярдыктарын көрүп, андан соң турнирге катышат. Даярдык алкагында команда эртең, 10-апрелде Мьянмага каршы жабык контролдук беттеш өткөрөт.

Эске салсак, курамабыз Япония, Тажикстан жана Түштүк Корея менен "С" тайпасында ойнойт.

"С" тайпасынын жүгүртмөсү: 18-апрель, саат 13:00: Тажикстан - Түштүк Корея (Бангкок Арена);

17:00 - Япония-Кыргызстан (Бангкок Арена);

20-апрель, саат 13:00 - Кыргызстан-Тажикстан (Бангкок Арена);

17:00 - Түштүк Корея-Япония (Бангкок Арена);

22-апрель, саат 17:00 - Түштүк Корея - Кыргызстан (Хуамарк);

17:00 - Япония-Тажикстан (Бангкок Арена).