Тайырбек Жумашбек уулу Азиянын эки жолку чемпиону болду (сүрөт)

Кыргызстандын эркин күрөш боюнча курама командасынын мүчөсү Тайырбек Жумашбек уулу Бишкекте өтүп жаткан Азия чемпиондугунда алтын медаль жеңди. Бул тууралуу бүгүн, 12-апрелде Дене тарбия жана спорт департаментинен билдиришти.

Ага ылайык, 61 килограммга чейинки салмакта ата мекендик спортчу 1\4 финалдык баскычтан баштады. Жалпы 3 беттеш өткөрүп, бардыгында тең жеңүүчү болуп чыкты.

"Ал финалдык беттеште коңшу казакстандык Ассыл Айтакын аттуу балбан менен күч сынашып жыйынтыгында 3:1 эсеби менен жеңишке жетти",-деп айтылат маалыматта.

Эскерте кетсек, Тайырбек Жумашбек уулу ушуну менен Азиянын эки жолку чемпиону болду. Былтыр, 2023-жылы Астана шаарында (Казакстан) өткөн Азия чемпиондугунда чемпион болгон.