Тышкы иштер министри Өзбекстандагы элчиликтин аймагына көчөт отургузду

Тышкы иштер министри Жээнбек Кулубаев Өзбекстанга болгон иш сапарынын алкагында Кыргызстандын Өзбекстандагы элчилигинин жамааты менен биргеликте ишембиликке катышып, элчиликтин аймагына көп жылдык бак-дарактардын көчөттөрүн отургузушту.

Мекеменин басма сөз кызматынан билдиргендей, Кулубаев ошондой эле элчиликтин кызматкерлери менен жолугушуу өткөрдү. Анда мекеменин ишмердүүлүгүнөн кабар алып, ошондой эле алдыда боло турган жогорку деңгээлдеги кыргыз-өзбек тышкы саясий иш-чараларына сапаттуу даярдык көрүү боюнча тийиштүү милдеттерди койду.