Кыргызстанга мыйзамсыз ташылып келген балыктар үчүн жем артка кайтарылды

Кыргызстанга мыйзамсыз ташылып келген балыктар үчүн жем артка кайтарылды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдирди.

Маалыматка ылайык, ветеринардык кызматтын Ак-Тилек чек ара ветеринардык көзөмөлдөө пунктунун инспекторлору тарабынан Орусиядан Кыргызстанга 22 миң 500 килограмм өлчөмүндө балыктар үчүн жем мыйзамсыз жол менен ташылып келе жаткандыгы аныкталган.

Тактап айтканда, жүктө ЕАЭБдин ветеринардык-санитардык талаптары сакталбагандыгы аныкталып, инспекторлор тарабынан тиешелүү артка кайтаруу актысы түзүлүп, жүк Ак-Тилек көзөмөл-өткөрүү жайы аркылуу Орусияга артка кайтарылды.