Бала кезибизден бери ар бирибиз келечекте кайсы кесиптин ээси болом деп ойлонобуз. Адамдар бой жеткен сайын кесип темасына аң-сезимдүү мамиле жасай башташат, бирок кесипти кантип туура тандоо керек? Жаш муундарга бул татаал маселеде жардам берүү үчүн Beeline Кыргызстан мобилдик оператору жана Enactus Коомдук бирикмеси карьералык мүмкүнчүлүктөр дүйнөсүндө өз ордун табууга жардам берген «Кесипке багыттоо» аталышындагы уникалдуу онлайн долбоорун иштеп чыгышты.
Beeline мектеп окуучуларын, студенттерди жана баласынын келечектеги кесибин тандоосуна жардам берүүнү каалаган ата-энелерди «Кесипке багыттоо» сайтын карап чыгууга чакырат. Бул жерден сиз кесиптер, өзүн-өзү өнүктүрүү жана эмгек рыногундагы учурдагы тенденциялар тууралуу маанилүү маалыматтарды таба аласыз. Сайтта төмөнкүлөр көрсөтүлгөн:
- Макалалар жана кесипке багыттоо боюнча тест. Beeline сиздер үчүн келечектеги кесиптер жөнүндө кызыктуу фактыларды, пайдалуу кеңештерди жана башка таанып-билүүчү материалдарды даярдады. Ошондой эле сиз онлайн тесттен өтүп, кайсы кесиптин түрү сизге ылайыктуу экендигин аныктай аласыз.
- Акысыз онлайн курстары. Сиздерди орус жана кыргыз тилдеринде 20дан ашык видеосабактар күтөт. Ар бир сабак эң популярдуу багыттарга — IT чөйрөдөн чыгармачыл кесиптерге чейин арналат. Ар кандай адистиктердин артыкчылыктары жана өзгөчөлүктөрү жөнүндө чыныгы адистерден биле аласыз. Биринчи төрт курсту бардыгы көрө алышат. Бардык видео сабактарга кирүү үчүн Beeline номери аркылуу катталуу керек.
- Суроолор жана тапшырмалар. Катталган колдонуучулар курсту көргөндөн кийин суроолорго жооп берип, өз билимдерин текшере алышат. Ошондой эле сайтта мотивациялык кат жазууга болот. Эң активдүү катышуучулар Кыргызстандын ири компанияларына экскурсияга чакырылат.
— Кесип тандоо — бул ар бир адамдын жашоосундагы өтө маанилүү жана жоопкерчиликтүү кадам, — деп баса белгиледи Beeline Кыргызстандын Башкы директору Андрей Пятахин. — Ар бир адам жумуш киреше гана алып келбестен, ырахат тартуулап, тандаган тармагында өнүгүүнү алып келишин каалайт. «Кесипке багыттоо» долбоору көптөгөн жаш кыргызстандыктарга кайсы кесипке шыктуу экенин табууга жардам берет деп ишенебиз.
«Кесипке багыттоо» сайты дайыма өнүгүп жана жаңы мазмун менен толукталып турат. Эң көп талап кылынган кесиптер жөнүндө көбүрөөк билип, келечектеги карьераңызга азыр кам көрүңүз!
Beeline жаңы мүмкүнчүлүктөрдү ачат!
