Чүйдүн Жайыл районунда 6 баланын өмүр алган кырсыкка шектүү эки айга камалды. Маалыматты бүгүн, 27-июнда Жогорку соттон тастыкташты.
Жайыл райондук сотунун 21-июндагы токтомуна ылайык, шектүү 19-августка чейин камакка алынды.
Белгилей кетсек, 20-июнда Кара-Балтанын 40 жаштагы тургуну мас абалда унаасы менен каналга оодарылып, андагы 6 бала чөгүп каза болгону кабарланган. Чүй милициясы окуянын чоо-жайы тууралуу маалымат берген.
Окуянын чоо-жайы:
Кара-Балтанын 40 жаштагы Г.Т. тургуну Фольксваген Жетта үлгүсүндөгү унаасы менен жубайын, төрт баласын, балдызын, анын төрт баласын алып сууга түшүүгө барышкан. Ал жерден Г.Т. спирт ичимдигин ичип, саат 18:30 чамасында мас абалында унаасы менен бурулуп жатып, дөңсөөдөн оодарылып, жүргүнчүлөрү менен бирге сууга түшүп кеткен. Унаадан айдоочу Г.Т., келинчеги ымыркайы, балдызы жана анын 7 жаштагы кызы чыкканга жетишкен. Ал эми калган алты жашы жете элек бала көлмөгө чөгүп, каза болушкан.
Аталган факты боюнча Кылымыш-жаза кодексинин 312-беренеси менен кылмыш иши козголгон.