АКШнын Кентукки штатында эс алууга кетип дайынсыз жоголгон турист 12 күндөн кийин аман-эсен табылды. Бул тууралуу чет элдик басылмалар жазып чыгышты.
Маалыматка ылайык, 48 жаштагы Скотт Херн 6-июль күнү Ред-Ривер капчыгайындагы шаркыратмаларды көрөм деп кетип дайынсыз жоголгон.
Издөө иштеринин натыйжасында куткаруучулар туристтер көп барбаган аймактан алгач бут кийим менен таяктын издерин табышкан.
Скотт Херн аман-эсен табылып, тик учак менен ооруканага жеткирилген. Анын 12 күн бою нан жебей, суу ичпегендиги, ушул тапта даарыланып жаткандыгы маалым болду.