Эң жакшы! Жоламан Шаршенбеков Олимпиаданын жарым финалына чыкты

Кыргыз балбаны Жоламан Шаршенбеков Париж шаарында өтүп жаткан жайкы Олимпиада оюндарынын жарым финалына чыкты.

Чейрек финалда кыргыз балбаны румыниялык Рэзван Арнаут менен кез келди. Биринчи бөлүктө эле Жоламан атаандашынын артына өтүп, 6 упай иштеп тапты. Өз кезегинде румыниялык машыктыруучу "челленж" баскан. Аны калыстар карап чыгып, Жоламанга дагы 1 упай беришти.

Биринчи бөлүк бүтөрүнө аз калганда Жоламан атаандашынын артына өтүп, дагы 2 упай алып, эсепти 9:0гө айлантты.

Жыйынтыгында эсеп 9:0 болуп, Жоламан Шаршенбеков мөөнөтүнөн мурда жеңишке жетти.

Муну менен Жоламан Париж Олимпиадасынын жарым финалына чыкты.

Автор: Азат Бейшенбеков