Керемет! Эки кыргыз балбаны Амманда Дүйнө чемпиону болушту

Кыргыз балбандары Курсантбек Исаков менен Рустамжан Кахоров Иорданиянын Амман шаарында өтүп жаткан кадеттер арасындагы Дүйнө чемпиондугунда алтын байге утушту.

Эркин күрөш боюнча 55 килограмм салмакта Курсантбек Исаков 1/8 финалда алгачкы жүрүшүн баштаган. Ал финалга чейин жетип, финалда пуэрто-риколук балбанды 4:2 эсебинде утуп Дүйнө чемпиону болду.

Ал эми Рустамжан Кахоров 65 килограмм салмакта катышты. Ал атаандаштарын ири эсепте утуп келип, финалда орусиялык Рамазан Абдулкадыров менен кез келди. Кыл чайнашкан беттеште кыргыз балбаны 7:6 эсебинде жеңишке жетип, Дүйнө чемпиону болду.

Автор: Азат Бейшенбеков