Балбан Жоламан Шаршенбеков жеке машыктыруучусу Махмудовго ыраазычылыгын билдирди

Балбан Жоламан Шаршенбеков машыктыруучусу Хаким Махмудовго ыраазычылыгын билдирди. Бул тууралуу ал социалдык тармактагы баракчасына жазып чыкты.

Анда ал Махмудовдун берген билими, тарбиясы, колдоосу үчүн жана ыраазычылыгын билдирди. Ошондой эле балбан профессионал спортчу катары гана эмес, инсан катары да калыптануусуна чоң салымын кошкондугун кошумчалады.

"2008-жылы мен жаш жөнөкөй бала Таластан Бишкекке келип, Аллах Тааланын каалоосу менен Хаким Махмудовдун күрөш залына келип калдым. Ошондо мен машыктыруучунун көзөмөлү астында кандай бийиктиктерге жетеримди элестете да алган эмесмин.

Окуучуларыңыздын ар бир жеңиши – сиздин талыкпаган эмгегиңиздин жана берилгендигиңиздин натыйжасы. Ар бир машыгуу үчүн чоң рахмат, жаңы бийиктиктерге жетүүгө жардам берип, билимиңизди жана күчүңүздү жумшаганыңызга ыраазычылык билдирем", - деп билдирүү калтырган ал.