Атактуу футболчу Эрлинг Холанд Алматыга келди (фото)

Футбол боюнча Норвегия улуттук курама командасы Улуттар Лигасынын алкагында Казакстан менен ойноо үчүн Алматыга келди.

Норвегиялык футболчулар отурган учак бүгүн, 5-сентябрга караган түнү Алматы эл аралык аэропортуна конгон.

Норвегия бул оюнга өтө күчтүү курам менен келди. Алардын арасында "Манчестер Ситинин" жылдызы Эрлинг Холанд, "Арсеналдын" жарым коргоочусу Мартин Эдегор бар.

Казакстан менен Норвегиянын беттеши 6-сентябрда Алматыдагы "Борбордук" стадионунда өтөт. Беттеш Бишкек убактысы боючна саат 20:00дө башталат.

Кошумчалай кетсек, Казакстан Норвегиядан тышкары Австрия жана Словения менен беттеш өткөрөт.

Автор: Азат Бейшенбеков