Сан-Марино курамасы 20 жылдан кийин алгачкы жеңишине жетти

Футбол боюнча Сан-Марино улуттук курама командасы Улуттар лигасынын 1-турдук оюнунун алкагында өз үйүндө Лихтенштейн курамасын кабыл алып, жеңишке жетти.

"D" тайпасына бөлүнгөн курамалардын беттеши 1:0 эсебинде үй ээлеринин жеңиши менен аяктады. Беттештеги жалгыз голду 53-мүнөттө Нико Сенсоли киргизди.

Муну менен Сан-Марино курамасы өзүнүн тарыхында экинчи, акыркы 20 жылда биринчи жеңишине жетти. Эң кызыгы, Сан-Марино акыркы жолу 20 жыл мурун ушул эле Лихтенштейнди жеңип, андан бери жеңиш эмне экенин биле элек болчу.

Сан-Марино курамасы кийинки оюнун 10-октябрда конокто Гибралтарга каршы өткөрөт.

Автор: Азат Бейшенбеков