Төрага Шакиев баштаган депутаттар Өзбекстанга жөнөп кетти

Бүгүн, 11-сентябрда Жогорку Кеңештин төрагасы Нурланбек Шакиев Борбор Азия өлкөлөрүнүн парламенттеринин төрагаларынын кезектеги форумуна катышуу үчүн Өзбекстандын Хива шаарына жөнөп кетти.

Жогорку Кеңештин басма сөз кызматынан билдиргендей, аталган форумда коңшу өлкөлөрдүн парламенттер аралык байланышын чыңдоо маселелери талкууланары күтүлүүдө. Ошондой эле төрага иш-чаранын алкагында бир катар жогорку деңгээлдеги жолугушууларды өткөрөт.

Шакиев баштаган парламенттик делегациянын курамында депутаттар Гүлкан Молдобекова, Шарапаткан Мажитова, Чынберди Төлөнов жана Чыңгыз Ажибаев бар.

Автор: Бурул Турусбекова