Акылбек Жапаров Эл аралык валюта фондунун башкаруучу директорунун орун басары менен жолугушту

Министрлер кабинетинин төрагасы Акылбек Жапаров Эл аралык валюта фондунун башкаруучу директорунун орун басары Бо Ли менен жолугушту. Бул тууралуу бүгүн, 11-сентябрда өкмөттүн басма сөз кызматынан билдирди.

Маалыматка ылайык, жолугушууда тараптар макроэкономикалык абалды, андан тышкары энергетика тармагында жана климаттын өзгөрүшү боюнча кызматташуунун актуалдуу маселелерин талкуулашты.

Өкмөт башчы ири долбоорлорду ишке ашырууга, "Камбар-Ата-1" ГЭСинин, ошондой эле Кытай-Кыргызстан-Өзбекстан темир жолунун курулушуна токтолду. Ал бул стратегиялык долбоорлордун масштабын, ошондой эле өлкөнүн энергетикалык коопсуздугу жана экономикалык өсүшү үчүн потенциалдуу дивиденддерди эске алуу менен бул эбегейсиз долбоорлордун өзгөчө маанисин белгиледи.

Өз кезегинде Бо Ли глобалдык экономиканын учурдагы чакырыктары боюнча өзүнүн пикири менен бөлүшүп, Эл аралык валюта фонду жүргүзгөн программалардын алкагында кызматташууга дайым даяр экендигин билдирди.

Автор: Бек Оморбеков