"10ду салып берейин". Депутат Таштанбеков мектептеги ажатканалар кымбат жасалганына нааразы болду (видео)

Бүгүн, 25-сентябрдагы Жогорку Кеңештин жыйынында депутат Акбөкөн Таштанбеков Ысык-Ата районундагы мектептерге салынган ажатканалардын кымбатка турганын айтты.

Ал бул иштерди аткарган Коомчулукту өнүктүрүү жана инвестициялоо агенттигине нааразычылыгын билдирди.

"Кээ бир ажатканаларга бооруң ооруйт да. Мына Кең-Булуң айыл өкмөтүндө бир кичинекей ажаткананы 3,5 миллион сомго жасаптырсыңар. Унитаздарды коюп коюптурсуңар, бирок ал борбордук сууга туташпагандан кийин мугалимдер сууну чака менен ташыйбы? Логвиненко айыл өкмөтүндөгү Баранов мектебиндеги ажаткананы 3,6 миллион сомго жасап жатасыңар. Бул бир мектепти жасай турчу акча да. Мага ошол материалдарды бергилечи, бир ажаткананын ордуна 10ду салып берейин", - деди ал.