Жээнбек Кулубаев Монаконун тышкы иштер министри менен эки тараптуу жолугушуу өткөрдү

Кечээ, 26-сентябрда Нью-Йорк шаарында өтүп жаткан БУУнун Башкы Ассамблеясынын 79-сессиясынын алкагында Тышкы иштер министри Жээнбек Кулубаев Монаконун Тышкы иштер министри Изабель Берро-Амадей менен эки тараптуу жолугушуу өткөрдү.

Анда тараптар өз ара пайдалуу кызматташтыктын мүмкүн болгон багыттарын талкуулашты.

Ага ылайык, Жээнбек Кулубаев Кыргызстандын 2027-2028-жылдарга БУУнун Коопсуздук Кеңешинин убактылуу мүчөсү катары талапкерлигин көрсөтүп жатканын айтып, бул талапкерликти колдоп берүүнү өтүндү.

"Тараптар БУУну кошкондо эл аралык уюмдардын алкагында өз ара кызматташтыкты чыңдоо боюнча макулдашып, эки тараптуу байланышты мындан ары бекемдөөгө даяр экендиктерин ырастады", - деп айтылат маалыматта.