Грузиянын премьер-министри Украинанын сындарына жооп кайтарды

Грузиянын премьер-министри Ираклий Кобахидзе Украинанын Тышкы иштер министрлигинин бийликтеги “Грузин кыялы” партиясынын шайлоо өнөктүгүндө Украинанын талкаланган шаарларынын сүрөттөрүн колдонуусун айыптаган билдирүүсүнө комментарий берди. Тбилисинин көчөлөрүндө да, партиянын социалдык тармактарында да талкаланган Украинанын шаарлары менен грузин шаарларын салыштырган плакаттар пайда болду.

Украинанын Тышкы иштер министрлиги орус-украин согушунун кесепеттерин саясий жарнамада колдонууну "жол берилгис" деп атады. Жооп катары Кобахидзе согуш менен тынчтыкты салыштыруу коомго “туура тандоо” жасоого жардам берерин баса белгиледи.

"Согуш менен тынчтыкты салыштыруу коом үчүн туура тандоо жасоо үчүн принципиалдуу түрдө маанилүү, анткени бул сүрөттөр биз качкан нерсе. Коом согуштун баасы кандай болорун түшүнүшү керек", - деди Кобахидзе.

Грузин премьер-министри согуштун кесепеттерин белгилеп, өлкө аны болтурбай коюуга кудурети жетерин айтып, коом “туура эмес тандоо жасаса, келечекте мүмкүн болуучу тобокелдиктерди эскертти.

"Эгерде туура кадамдарга барбаганыбызда өлкөбүз 2022-2023-жылдары ушундай тагдырга туш болмок. Кудай сактасын, коом туура эмес чечим чыгарса, кээ бир адамдар бул парламенттик шайлоодон кийин да ушундай кылууну пландап жатышат", - деди ал.

Автор: Бек Оморбеков