Айрым соттолуучуларды бир жылда бир жумага үйүнө жиберүү сунушталууда

Бүгүн, 2-октябрдагы Жогорку Кеңештин жыйынында Жаза аткаруу кызматынын төрагасынын биринчи орун басары Кемел Садыков жалпы жана күчөтүлгөн режимдеги жаза өтөөчү жайларда кармалып турган жарандарга жылына бир ирет бир жумалык мөөнөткө үйүнө барып келишине уруксат берүү каралып жатканын айтты.

Жыйында "Кыргыз Республикасынын Жаза аткаруу кодексине өзгөртүүлөрдү киргизүү жөнүндө" мыйзам долбоору биринчи окууда каралып жаткан.

Ал мындай мүмкүнчүлүк жашы жете элек балдары бар жалгыз бой ата-энелерге берилерин белгиледи. Ошондой эле Садыков каралып жаткан жеңилдик оор кылмыш боюнча соттолгондорго тиешелүү эместигин айтты.

"Өмүр бою эркиндигинен ажыратылгандарга, экстремисттик багыттагы кылмыштар, уюшкан кылмыштуу топтук мүчөлөрү үчүн, оор жана өзгөчө оор кылмыштар сыяктуу беренелер менен жаза өтөп жаткандарга уруксат берилбейт", - деди ал.

Автор: Кылымбек Бейшеев
Фото: Иллюстрациялык сүрөт