Энергетика министри өлкө электр энергиясын импорттоодон качан кутуларын айтты

Өлкө 2027-жылга чейин электр энергиясын импорттоодон кутулат. Бул тууралуу бүгүн, 4-октябрдагы Жогорку Кеңештин "Элдик" депутаттык тобунун жыйынында энергетика министри Таалайбек Ибраев билдирди.

Ал учурда электр энергиясына болгон таңкыстык 300-400 мегаватт экенин белгиледи. Ошондой эле министр 2 жыл аралыгында тыштан көмүр сатып алуу токтой турганын айтты.

"Урматтуу президентибиз 2027-жылга чейин электр энергиясын импорттоодон кутулуу боюнча тапшырма койгон. Мына акырындык менен көмүрдү сатып алуудан кетип жатабыз. Мындан толук 2 жылда кутулабыз деп пландап жатабыз", - деди Ибраев.

Автор: Кылымбек Бейшеев
Фото: Интернеттен алынды